شباب مصر..عاملين ايه

موضوع: شباب مصر..عاملين ايه 2008-05-21, 04:21

شباااااب مصر في العشرينات بيقولوا ايه
عاشت مصر حرة مستقلة
نطالب بالجلاء و الدستور

شباااااب مصر في السيتنات بيقولوا ايه
((قلنا هانبنى و ادينا بانينا السد العالى))

شباااااب مصر في السبعينات بيقولوا ايه
((انتصرنا ........انتصرنا))

شباااااب مصر في التمانينات بيعملوا ايه
الشباب المسكين قدام الجمعيات الاستهلاكية و يقف واحد منهم ماسك في إيده فرخة و فى يدة التنية مطوة و والكل وراه بيهتف و يقولهيهيهيهيه فرخة

شباااااب مصر في التسعينات بيقولوا ايه
هنجاهد و نناضل علشان نفوز بالدورى........بيب بيب أهلي بيببيب اهلى

شباااااب مصر في أوائل الفين بيقول ايه
الاخ توتى بيقول للأخ بودى وهو متحمس قووووووووووي وماسك المحمول فى ايديه " أنا تعبت و كافحت لغاية ما لقيت رنة جنان للمحمول بتاعى اغيظ بيها الواد فادى المعفن اللى علق البت بتاعتى؟؟.

واحسرتااااااااااااه على شبابك يا مصر

مختصر كلامي بعد المقدمة الخفيفة ده

أنا بقى عايز اعمل مقارنة بين شباب جيل الثورة و شباب اليومين دول

اقولكم انا.

1- شباب الثورة كان شباب معظمه من الطبقة الفقيرة الكادحة اللى تشقى و تتعب عشان تعرف تجيب لقمة العيش و كانت الطبقات العليا وقاتها مش فئة طاغية على المجتمع المصرى عشان كدة قلت اللامبالاة عند الشباب في الفترة ده.

2-كان الشاب يتعب عشان يوصل للتعليم الجامعى و علشان كدة بياخد دراستة بجدية و بذل و مجهود بجد و مش كدة وبس ده كان بيتابع كل اللي بيحصل على الساحة السياسية و بالأخص اللي بيحصل فى شئون بلده داخليآ و خارجيآ
مش شباب دلوقتي "ودن من طين وودن من عجين
بالله عليكم من فيكم إلا قليل القليل
يعرف اللي بيحصل داخليا فى بلده من شئون سياسية ؟؟؟ او حتى اقتصادية؟؟
مش هقول خارج بلده بس على الأقل فى الداخل
بالطبع في قلة ما بيعملوش كدة
طب نيجي نسألهم
ليه يا شباب؟؟؟؟؟؟؟؟؟؟
يردوا يقولوا وانا بأكد الأقلية ما بيعملوش كدةياعم و انا مالى
سيبنا فى حالنا احنا ناقصين
هيبقى الدراسة و السياسة كمان
انا مش فاضى و فيا اللى مكفينى و مش بفهم فى السياسة و لا فى الاقتصاد و ما دام باكل و اشرب و انام يبقى خلاص كل شيئ تمام"
للأسف هى دى الردود اللى بنشوفها لما نسأل حد عن اللامبالاة اللى بيعانى منها معظم شبابنا

3-شباب الثورة كانوا على مستوى عالى جدآ من النضج و القدرة على تحمل المسئولية
كان وقتها في حاجة اسمها صعوبة المعيشة
فكان لازم الطالب انه يشتغل و يذاكر فى نفس الوقت
ويشيل هم أسرة كاملة على كتفه
او على الأقل يحمل هم نفسه
وعشان كدة بيشعر بمسئوليته نحو وطنه وواجبه نحوها
"شباب اليوم اتولدوا و فى بقهم معلقة فضة مع كل وسائل الرفاهية التى انتشرت
وتحميل الاهل المسئولية كاملة على كتفهم ."

4-زمان كان الشاب من دول تيجى تسأل ايه هدفك فى الحياة
تلاقية محضر الإجابة من ساعة ما كان فى المرحلة الابتدائية
انا عايز اكون رجل سياسى ناجح وكدة
دلوقتى تعالى اسأل اى واحد هيقولك و الله ما عارفلسة ما حددتش هو التنسيق بيخلي حد عارف مستقبله فين
سيبها يا عم على ربونا و زى ما تيجى تيجى

شوفوا انا مش بقول ان دى قاعدة عامة و لكن ما يغلب على الوضع الحالى
يعنى الكثرةادخلوا كدة الجامعات و شوفوا اية اللى بيحصل فيها
الطلاب قاعدين على الارصفة اتنين اتنين ماشاء الله عليهم منورين
و اللى قاعدين يلعبوا كوتشينة
و اللى بيهزروا مع بعض و يحدفوا بعض بالميةو اللى عملين زحمة على المطاعم و كإن البطون هى التى بقت تتحكم فى الانسان مش العقول
فصدق الحكيم لما قال "هذا زمن البطون يا ولدى .....و قد ذهب زمن العقول"

هقول بقى على حاجة تخلى القلب يحزن ايام الجامعة
ودول في كليات عملي يا ناااااس
تلاقى نص الطلبة قاعدين تحت البنجات عشان الدكتور ما يشوفهمش تيجى تسألهم لية طيب بتحضورا يقولوا عشان الغياب و اعمال السنة
لا اله الا الله

يعنى احنا نقول المعيشة تيسرت و الاهل مريحينا على الاخر و بيلبوا كل طلباتنا و الدكاترة مهتمين بينا و بالشرح و التوضيح و التعليم بقى مخفض و كل حاجة ميسرة بصرف النظر عن قضية التعليم فاشله ولا لأنقوم نيجى احنا نضيع كل دة .........؟؟؟ شيئ لا يعقل

طيب فين الفئة الناضجة من الشباب دول؟؟؟؟؟؟؟؟؟؟؟ موجودة
وألمحها فى كل شبر في البلد والحمد لله
بس لسة سياسة القمع واقفة سد بينهم و بين الفكر الحر

طيب السؤال دلوقتى احنا هانفضل ذى ما احنا كدة الناس كلها بتتقدم و العالم كلة ماشى لقدام و احنا اللى متثبتين بغرا فى الأرض كدة؟؟؟؟؟؟؟؟؟؟
و لا هانتحرك و ربنا ينفخ فى صورتنا و نحس ان كل واحد فينا ليه دور لازم يؤديه
نحو دينه ووطنه و مجتمعه الذى عايش فية؟؟؟؟؟؟؟؟

و غير طريقة كلامك
1- بطل الكلمات و المصطلحات التى لم تكن موجودة فى عهد الأفكار "نفض ,أحلق.,طنش,كلة بيطلع فى الغسيل"

خلى بدلها كلمات اكثر ايجابية "فكر,اتكلم,حس,اتشجع,عبر "

حاول تحرر فكرك من عوامل الشلل التى اصابتة والركود
شوف العالم ماشى ازاى
أسأل اللي هم اكبر منك و اكثر منك خبرة
وما تتكسفش فالسؤال اول مفتاح للمعرفة
اسمع ايه اللى بيتقال فى النشره و اقرا اي حاجة من اللى بتتكتب فى الجورنال و شوف الناس بتقول اية و اية راى العامة و ناقش و حاور و فكر فى اللى بتسمع
ومتصدقش كل اللي تشوفه عينك و لا اللي بتسمعه ودنك
اتأكد الاول من اكتر من مصدر و اعقل الحكاية بدماغك
شوف البلد ماشية ازاى
شوف اقتصادها عامل اية؟؟؟
شوف فلوس البلد جاية منين و رايحة لفين؟؟؟
اسأل و ابحث و ادور "و اللى يسأل ما يتوهش"

ممكن نعتبر الموضوع فضفضة سياسية

واسف لو دوشتكم
فى حاجات كتير قوى لازم تتقال لكن كفاية كدة
لحسن انا فعلآ تعبت

موضوع: رد: شباب مصر..عاملين ايه 2008-05-21, 14:15

موضوع: رد: شباب مصر..عاملين ايه 2008-05-21, 18:13

يسلموووووووووو ابن البلد
حياك الله
ولك جزيل الشكر يخوى